Le ucholaj chak kuya’ jun tojonik rajilal waqib’ jowinaq $600 chi kech ri ajchakib’ pa juyub’ ajchakib’ rech upatzik ti’j kachi’l ri ajchakib’ rech nima’q taq k’ayb’al ri qas e nab’e rumal ri pwaq xkisach rumal ri nimayab’ilal COVID-19.
Ri qas ajchakib’ rech tikonik, patzab’al ti’j xuquje’ ajchakib’ rech nima’q taq k’ayb’al pa le q’ij kma’jtaj lo pa taq 27 rech nab’e ik’ 2020 k’a pa uk’isb’al ri xkik’ulumaj rumal ri k’axk’olil COVID-19, are taq ri’ kecha’ che tob’anik.
Le ajchakib’ rajawaxik qas utz uk’utik kkib’ano chi kechakun pa ri chakunib’al rech tzuqunib’al, jun b’otz’ob’al ti’j, jun kachoch awajib’ on k’ayb’al tzuqunib’al ib’aj. Ri ajchakib’ xuquje’ rajawaxik tz’aqat kkib’an che uwujil kiwinaqilal are taq kkitz’onoj le tob’anik.
*jun chi kech we sutaq ri’
*Jun chi kech we sutaq ri’
Man k’o ta rajil le tz’onoj rech utz’onik ri Uchuq’ab’il Kipwaqilal ri Ajchakib’ rech Tikonik xuquje’ rech Tzuqunib’al ib’aj (FFWR). Xewi ri taq wokaj echa’tal rumal ri USDA kekowinik kkichakub’ej taq tz’onoj rech tob’anik kech ajchakib’ rech tikonik xuquje’ rech tzuqunib’al ib’aj. Man kjach ta wi ri wuj la pa kiq’ab’ ri taq wokaj ri man ya’tal ta kiq’ij.